ثورة الاقنعة

مشكوووووووور/ ه ع مجهودك الرائع

طباع الناس عامة بتفرض وجود بعض الأقنعة بصورة أساسية
لأن فى ناس لازم نتعامل معاهم و مش هيتقبلونا بدون الأقنعة
انما مش معنى ان وجود القناع ضرورى , يبقى الخداع ضرورى
لأنى ممكن أحط قناع المجاملة و اللطافة , بس فى نفس الوقت أتكلم بمنتهى الصراحة و مخدعش
لأن أساس القناع على الأسلوب و بس
يعنى أبقى أنا زى ما أنا , و القناع ده هو أسلوبى بس مع بعض الناس عشان يتقبلوا وجودى
انما وجود القناع لا يساوى وجود الخداع


و شكرا على التوبيك المميز

مين اللى قال ان وجود الاقنعة لازم وجودها يعنى نفاق والنفاق عامة مكروه ومش كل النااسبتلبس اقنعة فى ناس من طبعها الصراحة والظاهرة ان الاقنعة دا اسلوبك بس مش كويس ربنا ماقلش ان النفاق حلو ولا ايه

مين قال وجود الأقنعة يعنى نفاق !؟؟؟

أصلا عدم وجودها يعنى سذاجة فى الدنيا دى

يعنى مثلا عندك أسرار المفروض محدش يعرفها .... لازم تخبى انك عرفاها حتى لو حد سألك

ده اسمه قناع ... مسموش كدب ولا نفاق ... و فى نفس الوقت حاجة كويسة انك تحافظ على الأسرار

..

مثلا فى المدرسة تلاقى مثلا ان كل الناس بيتضايقوا من كلمة معينة انتى متعودة عليها

هيبقى ايه الحل ؟؟ .... مينفعش تسيبى المدرسة .. و الكلمة دى أو الأسلوب ده من طباعك

يبقى متقوليش الكلمة مع الناس دول و بس .... ده اسمه قناع .... مسموش نفاق و لا كدب

و برده حاجة كويسة اننا منضايقش الناس

..

و أيوة فى ناس صريحة و أنا من أكتر الناس الصريحة جدا جدا ..... و على الرغم من كدة فى ناس لازم أعاملهم بطرق معينة .......... لو انتى مش عاجبك لفظة قناع ممكن نغيرها

أقدر أقول انه تغيير أو أتعامل مع الأشخاص على حسب فهمهم و أسلوبهم .... مش لازم أقول قناع

شكرا على المرور