الحب من على النت

النت مفيش شك ان النت دة حاجه مسليه جداا بس دلو قتى الموضه مبقاش
للتسليه وبس بقى دلوقتى الشباب والبنات ممكن يحبوا بعض من على النت وانا هقولكم
رايى الشخصى وعايزاكم تبقوا تبعتولى رايكم بصراحه انا رايى انه بنسبه 99 فى المايه
بيكون اعجاب مش حب زى ما بيتصور البعض وان مصير العلاقه دى فى النهايه الفشل لان
علشان اتنين يحبوا بعض لازم يكونوا حاسيين ببعض ادام بعض لان لو انسان بعيد عن
التانى سهل اوى انه يخدعه ويمثل شخصيه غير شخصيته وعلى فكرة المثل بيقول اسال
مجرب
انا على فكرة جديدة معاكم فى المنتدى عايزاكم تبعتولى
رايكم بصراحه وتردوا عليافى الموضوع دة

صح أوى جدا خالص يعنى كلامك ده

و لو عايزة الحق ... يبقى 99.9 % كمان اعجاب مش حب حقيقى

..

ممكن يكون اعجاب شديد أوى ... فالناس يظنوا انه حب و غرام شديد ... بس الحقيقة ان الموضوع محتاج شوية صراحة مع النفس

لأنه فعليا مينفعش حب النت .... هو النت وسيلة للتعارف ... بس مينفعش الحب يكون على النت خالص

لأن الحب الحقيقى هيبقى فيه انجذاب قوى فى عدة اتجاهات مختلفة .... و من أهمها الشكل و الروح و الصوت و الشخصية و الأسلوب


و أظن ان الشكل و الروح و الأسلوب فى الحركات مش هيظهر نهائيا غير وجها لوجه


لو حد قال بيشوف الصور .... فالصور دى ثنائية الأبعاد و صدقنى الواقع مختلف و لو قليلا

و الصوت لو بيتسمع فى التليفون و المايك فبره انك تشوف حركات الفم و الصوت بيخرج منها غير كدة خااالص

و الروح مش هتحسها غير لما شايف الشخص بلحمه و دمه قدام عيونك

و الأسلوب فى الحركات و المشى مثلا و التعابير على الوجه أكيد أكيد مش هتعرفها غير لما تشوفها

و حتى الشخصية اللى هى ممكن تكون أكتر حاجة واضحة على النت .... ففى الحقيقة هتشوف الشخصية بطبيعية أكتر لأن التانى مش هيبقى عنده وقت يجمل و يحسن من شخصيته قبل ما تشوف الكلام

..

طبعا على الرغم من كل ده بس الاعجاب الشديد من على النت وارد جدا جدا جدا .... انما الحب الحقيقى مش هيجى من على النت بس